គណបក្សហ៊្វុនស៊ិនប៉ិចបានចងសម្ព័ន្ធភាពជាមួយគណបក្សប្រជាជនកម្ពុជា ក្នុងរាជរដ្ឋាភិបាលចម្រុះ៣អាណត្តិមកហើយ ដោយគ្រាន់តែបានផ្លាស់ប្តូរប្រធានគណបក្សប៉ុណ្ណោះ ព្រោះតែមានការប្រេះស្រាំក្នុងជួរថ្នាក់ដឹកនាំ ។

តើគណបក្សនេះមានគោលនយោបាយដូចម្តេចក្រោយពីមានប្រធានថ្មី ជំនួសព្រះអង្គម្ចាស់ នរោត្តម រណឫទ្ធិ ?

សូមអញ្ជើញស្តាប់លោក កែវ ពុទ្ធរស្មី ប្រធានគណបក្សហ៊្វុនស៊ិនប៉ិច និងជាឧបនាយករដ្ឋមន្រ្តី ឆ្លើយនឹងសំណួរលោក ហាស់ សាន ដូចតទៅ ៖

មេដឹកនាំអ្នកតវ៉ាប្រឆាំងរដ្ឋាភិបាលថៃនៃក្រុមសម្ព័ន្ធភាពប្រជាជន ដើម្បីលទ្ធិប្រជាធិបតេយ្យ បានស្រែកនៅខាងក្រៅអគាររបស់អង្គការសហប្រជាជាតិ ក្នុងក្រុងបាងកកចំអកឲ្យលោក សាម៉ាក ចំពោះការថ្លែងតាមកម្មវិធីទូរទស្សន៍ រាល់ព្រឹកថ្ងៃសៅរ៍របស់លោកថា ពុំមាននរណាគេស្តាប់ឡើយ ។

ការថ្លែងចំអកនេះបានធ្វើឡើង១ថ្ងៃបន្ទាប់ពីលោកសាម៉ាក បានថ្លែងបដិសេធតាមកញ្ចក់ទូរទស្សន៍ជាតិរបស់ថៃ កាលពីព្រឹកថ្ងៃសៅរ៍ថា លោកមិនបានហៅអតីតនាយករដ្ឋមន្រ្តី ថាក់ស៊ីន ឲ្យជួយដោះស្រាយបញ្ហាប្រទេសជាតិនោះទេ និងថា ការដោះស្រាយបញ្ហាជាតិគឺជាសមត្ថកិច្ចនាយក រដ្ឋមន្រ្តីបច្ចុប្បន្ន ។

កិច្ចប្រឹងប្រែងស្វែងរកការដោះលែង ដាំ សិទ្ធិ ឲ្យនៅក្រៅឃុំនៅតែបន្ត

ដោយ មុំ សុផុន

2008-06-10

ការខិតខំ ប្រឹងប្រែងលើការស្នើសុំឲ្យដោះលែងនិពន្ធនាយកកាសែតមនសិការខ្មែរ លោក ដាំ សិទ្ធិ ឲ្យនៅក្រៅឃុំ នៅតែបន្តនៅឡើយ នៅថ្ងៃអង្គារនេះ ។

photo

លោក ដាំ សិទ្ធិ និពន្ធនាយកនៃកាសែតមនសិការខ្មែរដែលមាននិន្នាការគាំទ្រគណបក្សប្រឆាំង។

អស់រយៈពេល៣ថ្ងៃមកហើយ ក្រុមអ្នកតំណាងរាស្ត្រគណបក្សសមរង្ស៊ី រួមទាំងក្រុមអង្គការសិទ្ធិមនុស្សនិងក្រសួងព័ត៌មានរបស់ រាជរដ្ឋាភិបាលផងដែរ បានប្រឹងប្រែងធ្វើអន្តរាគមន៍ដោយធ្វើលិខិតទៅតុលាការដើម្បីសុំធានា លោក ដាំ សិទ្ធិ ឲ្យនៅក្រៅឃុំបណ្តោះអាសន្ន ។

មេធាវីការពារក្តី លោក ជូង ជូងី បានថ្លែងសង្ឃឹមថា កិច្ចប្រឹងប្រែងនោះនឹងអាចជួយលោក ដាំ សិទ្ធិ ដែលកំពុងស្ថិតក្នុងគុកព្រៃស ឲ្យបានរួចនៅក្រៅឃុំ ៖ «សង្ឃឹមថា ត្រូវតែបានរួចខ្លួនឆាប់ៗហ្នឹង ។ ធ្វើរួចរាល់អស់ហើយ គឺទីមួយ ខ្ញុំសូមឲ្យតុលាការដោះលែង ដាំ សិទ្ធិ ឲ្យនៅក្រៅឃុំបណ្ដោះអាសន្ន ទីពីរ ខ្ញុំបានប្ដឹងឧទ្ធរណ៍ជំទាស់ទៅនឹងដីកាសម្រេចឃុំខ្លួនហ្នឹង» ។

លោក ដាំ សិទ្ធិ ដែលជាបេក្ខជនឈរឈ្មោះតំណាងរាស្ត្រឲ្យគណបក្សសមរង្ស៊ី នៅមណ្ឌលភ្នំពេញ ត្រូវគេចោទប្រកាន់ពីបទផ្សាយព័ត៌មានមិនពិត និងបរិហារកេរ្តិ៍ជុំវិញការផ្សាយព័ត៌មានដែលសរសេរថា លោកឧបនាយករដ្ឋមន្ត្រី ហោ ណាំហុង គឺជាអតីតប្រធានគុកបឹងត្របែកក្នុងជំនាន់របបខ្មែរក្រហម ។

ការសរសេរផ្សាយរបស់លោក ដាំ សិទ្ធិ ដែលមានតាំងពីខែមេសា កន្លងមក គឺបានដកស្រង់តាមប្រសាសន៍របស់ប្រធានគណបក្សប្រឆាំងលោក សម រង្ស៊ី ។

មេធាវីការពារក្តីរបស់លោក ដាំ សិទ្ធិ បានថ្លែងថា កាលពីម្សិលមិញ ភរិយារបស់លោក ដាំ សិទ្ធិ បានធ្វើដំណើរទៅគុកព្រៃសដើម្បីចង់ជួបសាកសួរសុខទុក្ខ ក៏ប៉ុន្តែ ឆ្មាំគុកមិនអនុញ្ញាតឲ្យភរិយារបស់លោកបានចូលទៅជួបដោយផ្ទាល់នោះ ឡើយ ៕

កិច្ចប្រឹងប្រែង​ស្វែងរក​ការដោះលែង ដាំ សិទ្ធិ ឲ្យ​នៅ​ក្រៅ​ឃុំ​នៅ​តែ​បន្ត

ដោយ មុំ សុផុន

2008-06-10

កិច្ចប្រឹងប្រែងស្វែងរកការដោះលែង ដាំ សិទ្ធិ ឲ្យនៅក្រៅឃុំនៅតែបន្ត